டெல்லியில் நடைபெற உள்ள சட்டசபை தேர்தலில் முதல் முறையாக தேர்தல் பிரசாரத்தில் பிரதமர் மோடி கலந்து கொண்டு உரையாற்றுகிறார்.டெல்லி சட்டசபை தேர்தல் வரும் 8 ம் தேதி நடைபெற உள்ளது.
அதைத்தொடர்ந்து 11-ம் தேதி வாக்கு எண்ணிக்கை நடைபெற உள்ளது. பா.ஜ.க, காங்கிரஸ் மற்றும் ஆம் ஆத்மி இடையே கடுமையான போட்டி நிலவி வருகிறது.
டெல்லி தேர்தல் சூடுபிடிக்க ஆரம்பித்துள்ள இந்நிலையில் பிரதமர் மோடியின் தேர்தல் பிரசாரம் இன்று மாலை 2 மணியளவில் கிழக்கு டெல்லி பகுதியான கார்கர்டோமா பகுதியில் உள்ள் சிபிடி மைதானத்தில் நடைபெற உள்ளது.
மத்திய பட்ஜெட் தாக்கல் செய்த பின்னர் பிரதமர் மோடி கலந்துகொள்ள உள்ள முதல் தேர்தல் பிரசாரம் இது என்பது குறிப்பிடத்தக்கது.
மற்றொரு பேரணி நாளை (4 ம் தேதி) துவாரகா பகுதியில் நடைபெற உள்ளது. இதில் பா.ஜ.க முக்கிய தலைவர்கள் கலந்து கொள்கின்றனர் என்று கூறப்படுகிறது.