டெல்லியில் போராட்டத்தில் ஈடுபட்டிருக்கும் விவசாயிகள் அப்பகுதியில் வெங்காய சாகுபடியை தொடங்கி உள்ளனர்.
32 நாளாக விவசாயிகள் மத்திய அரசின் புதிய வேளாண் சட்டங்களை எதிர்த்து டெல்லி எல்லையில் போராட்டம் நடத்தி வருகின்றனர். டெல்லி புராரி மைதானத்தில் ஒரு குழுவினர் தொடர் போராட்டங்களில் ஈடுபட்டு வருகின்றனர். புராரி மைதானத்தில் போராட்டத்தில் ஈடுபட்டுள்ள விவசாயிகள் அந்த மைதானத்திலேயே தங்களது தேவைக்காக வெங்காய சாகுபடி செய்து வருகின்றன.
இதற்காக அந்த மைதானத்தின் ஒரு பகுதியில் ஒதுக்கி உள்ளனர். வெங்காய நாற்றுகளை அப்பகுதியில் நட்டு வைத்துள்ளனர். பின்பு அதற்கு தேவையான தண்ணீரை ஊற்றி பராமரித்து வருகின்றனர். தங்களது சமையல் தேவைக்காக, ஒரு மாத காலமாக விவசாயம் செய்யாமல் இருப்பதால் தற்போது இந்த சாகுபடியை செய்து இருப்பதாக தெரிவித்தனர்.
இதனைத் தொடர்ந்து இன்னும் சில பயிர்களை பயிரிட உள்ளோம். அதற்காக திட்டமிட்டு கொண்டிருக்கிறோம். என்று விவசாயிகள் தெரிவித்தனர்.