‘டெனென்ட் படத்துடன் மாநாடு பட டீஸரை ஒப்பிடுவது பெருமை’ என வெங்கட்பிரபு ட்விட்டரில் தெரிவித்துள்ளார் .
தமிழ் திரையுலகில் நட்சத்திர நாயகனாக வலம் வரும் சிம்பு நடிப்பில் தயாராகி வரும் திரைப்படம் ‘மாநாடு ‘. இயக்குனர் வெங்கட்பிரபு இயக்கும் இந்தப் படத்தை சுரேஷ் காமாட்சி தயாரிக்கிறார் . இந்த படத்தில் கல்யாணி பிரியதர்ஷன், எஸ் ஜே சூர்யா ,கருணாகரன் ,பிரேம்ஜி உள்ளிட்ட பலர் நடித்துள்ளனர் . ரிச்சர்ட் எம் நாதன் ஒளிப்பதிவு செய்யும் இந்த படத்திற்கு யுவன் சங்கர் ராஜா இசையமைக்கிறார். நடிகர் சிம்புவின் பிறந்த நாளை முன்னிட்டு பிப்ரவரி 3ஆம் தேதி மாநாடு திரைப் படத்தின் அசத்தலான டீஸர் வெளியாகி ரசிகர்களிடையே நல்ல வரவேற்பை பெற்றது.
I am very honored that people are comparing our #maanaaduteaser with #tenet but unfortunately this ain’t connected with it!To be honest even I didn’t understand #tenet 😁 wait for our trailer!Then u might compare us with some other film!! ;)) #aVPpolitics https://t.co/Xle3hiWh6Q
— venkat prabhu (@vp_offl) February 5, 2021
ஆனால் இந்த படத்தின் டீசர் ஹாலிவுட் படமான ‘டெனென்ட்’ படத்தின் காப்பி என்று நெட்டிசன்கள் தங்கள் கருத்துக்களை தெரிவித்து வந்தனர் . இந்நிலையில் இதுகுறித்து இயக்குனர் வெங்கட் பிரபு டுவிட்டரில் ‘மாநாடு டீசரை டெனென்ட் படத்துடன் ஒப்பிடுவது எங்களுக்கு பெருமை தான் . எனினும் அந்தப் படத்திற்கும் இந்த படத்திற்கும் எந்த வித தொடர்பும் இல்லை . உண்மையை சொல்ல வேண்டுமெனில் எனக்கு டெனென்ட் படம் புரியவே இல்லை . மாநாடு பட டிரெய்லருக்கு காத்திருங்கள் . அப்போது அதை நீங்கள் வேறொரு படத்துடன் ஒப்பிடலாம்’ என்று பதிவிட்டுள்ளார் .