பெங்களூரு அணிக்கு எதிராக மும்பை அணி தோற்றாலும் இளம்வீரர் கிஷான் சூப்பராக ஆடி வியக்க வைத்தார்..
ஐபிஎல் தொடரின் 10ஆவது லீக் போட்டி துபாயில் நேற்று நடந்தது.. இந்த போட்டியில் ரோஹித் தலைமயிலான மும்பை இந்தியன்ஸ் அணியும், விராட் கோலி தலைமயிலான ராயல் சேலஞ்சர்ஸ் பெங்களூர் அணியும் மோதியது.. இதில் டாஸ் வென்ற மும்பை அணியின் கேப்டன் ரோகித் சர்மா முதலில் பந்து வீச முடிவு செய்தார்.. அதன்படி களமிறங்கிய பெங்களூர் அணி 20 ஓவர் முடிவில் 3 விக்கெட்டுகளை மட்டுமே இழந்து 202 ரன்கள் குவித்தது.. அதிகபட்சமாக டிவில்லியர்ஸ் 24 பந்துகளில் 55 ரன்களும், படிக்கல் 40 பந்துகளில் 55 ரன்களும், ஆரோன் பின்ச் 35 ரன்களில் 52 ரன்களும் எடுத்திருந்தனர்..
இதனையடுத்து இமாலய இலக்கை நோக்கி களமிறங்கிய மும்பை அணிக்கு ஆரம்பத்திலேயே அதிர்ச்சி காத்து இருந்தது.. அதாவது ஓப்பனிங் இறங்கிய கேப்டன் ரோகித் சர்மா 8 ரன்களில் ஆட்டமிழந்து ஏமாற்றம் அளித்தார்.. அதனை தொடர்ந்து வந்த சூர்யகுமார் யாதவ், தொடக்க வீராக இறங்கிய டிகாக், ஹர்திக் பாண்டியா ஆகியோரும் அடுத்தடுத்து ஆட்டமிழந்து வெளியேறினர்..
இதனால் மும்பை அணி 11.2 ஓவரில் 78/4 ரன்கள் மட்டுமே எடுத்து திணறியது.. பின்னர் மறுமுனையில் பொறுப்பாக ஆடிய இஷாந்த் கிஷன் அணியின் ஸ்கோரை சீரான வேகத்தில் உயர்த்தினார்.. அதிரடி வீரர் பொலார்ட் கிஷானுடன் கைகோர்த்தார்.. இருவரும் சேர்ந்து மைதானத்தில் சிக்சர்களை பறக்கவிட்டனர்.. குறிப்பாக சவ்ரவ் திவாரிக்கு பதிலாக களமிறங்கிய கிஷான் 9 சிக்ஸர்களை பறக்க விட்டு மிரட்டினார்.. இதனால் பெங்களூரு பந்து வீச்சாளர்களே சற்று களங்கி விட்டார்கள் என்று தான் சொல்ல வேண்டும்… அத்தனைக்கும் இது சின்ன மைதானம் கிடையாது.. பெரிய மைதானம்..
தனக்கு கிடைத்த முதல் வாய்ப்பை சரியாக பயன்படுத்திக்கொண்ட கிசான் கடைசி ஓவரின் 5ஆவது பந்தை சிக்சருக்கு அடிக்க முயன்ற போது கேட்ச் ஆகி வெளியேறினார்.. கிஷான் 58 பந்துகளில்
99 ரன்கள் (9 சிக்ஸர், 2 பவுண்டரி) எடுத்து சோகமாக வெளியேறினார்.. இசுரு உதான வீசிய கடைசி ஓவரில் வெற்றிக்கு 5 ரன்கள் தேவைப்பட, பொல்லார்ட் பவுண்டரிக்கு விரட்டினார்.. பொல்லார்ட் 24 பந்துகளில் 64 ரன்கள் எடுத்து இருந்தார்.. இதனால் ஆட்டம் சூப்பர் ஓவருக்கு மாறியது..
பின்னர் சூப்பர் ஓவரில் முதலில் மும்பை அணி பேட்டிங் செய்து 7 ரன்கள் மட்டுமே எடுத்தது.. பின்னர் 8 ரன்கள் என்ற வெற்றி இலக்கை எட்டிப் பிடித்தது பெங்களூரு.. இதனால் பெங்களூரு அணி மும்பையை வீழ்த்தி 2-வது வெற்றியை பதிவு செய்திருக்கிறது.
கிஷான் 5ஆவது பந்தில் சிக்ஸர் மட்டும் அடித்திருந்தால் சதமும் கிடைத்திருக்கும்… வெற்றியும் கிடைத்திருக்கும்… மும்பை வீரர்கள் தலையில் வைத்து கொண்டாடியிருப்பார்கள்… இருந்தாலும் இவரை ஆட்டத்தை மும்பை வீரர்கள் பாராட்ட தவறவில்லை… சமூக வலைத்தளங்களில் பலரும் இவரது ஆட்டத்தை கண்டு வியந்து கொண்டாடி தீர்த்து வருகிறார்கள்…
அதேநேரத்தில் இவரை சூப்பர் ஓவரில் தொடக்கத்தில் பாண்டியாவுக்கு பதில் இறக்கியிருந்தால் அதிக ரன்களை மும்பை எடுத்திருக்குமோ? என்ற கேள்வியும் எழுகிறது.. ஏனென்றால் அந்த அளவுக்கு அவர் அவுட் ஆகி செல்லும்போது வெறியில் இருந்தார்.. அதேசமயம் கடைசி ஓவர் வரை களத்தில் இருந்துள்ளார் கிஷான்.. அதனால் ஆடுகளத்தின் தன்மை கிஷானுக்கு நன்றாக தெரிந்திருக்கும் என்பது சிலரின் கருத்து…