‘நானே வருவேன்’ ஷூட்டிங் குறித்து புதிய அப்டேட் வெளியாகியுள்ளது.
நடிகர் தனுஷ் தமிழ் சினிமாவில் பிரபல முன்னணி நட்சத்திரங்களில் ஒருவராக வலம் வருகிறார். இவர் கைவசம் தற்போது திருச்சிற்றம்பலம், ஆயிரத்தில் ஒருவன் 2, தி கிரேட் மேன் மற்றும் பல படங்களை வைத்துள்ளார். இயக்குனர் செல்வராகவன் இயக்கத்தில் இவர் தற்போது நடித்து வரும் திரைப்படம் ”நானே வருவேன்”. கலைப்புலி எஸ். தாணு தயாரிக்கும் இந்த படத்தில் யோகி பாபு, இந்துஜா மற்றும் பலர் முக்கிய கதாபாத்திரத்தில் நடிக்கின்றனர்.
மேலும் யுவன் சங்கர் ராஜா இசையமைக்கும் இந்த படத்தின் இறுதிகட்ட படப்பிடிப்பு விறுவிறுப்பாக நடைபெற்று வருகிறது. இந்நிலையில், இந்த படத்தில் Elli AvrRam என்ற ஸ்வீடன் நடிகை தனது படப்பிடிப்பை நிறைவு செய்துவிட்டதாக இன்ஸ்டாகிராம் பக்கத்தில் புகைப்படங்களை வெளியிட்டுள்ளார். விரைவில் இந்த படத்தின் முழு படப்பிடிப்பு நிறைவடையும் என எதிர்பார்க்கப்படுகிறது.
https://www.instagram.com/p/CcKSE7Vt-yA/