”தோனியை காலி செய்யும் கோலி” காத்திருக்கும் சாதனை ….!!

இந்திய அணியின் கேப்டன் விராட் கோலி ஒவ்வொரு போட்டியின்போதும் சாதனைகளைப் படைத்துவருகிறார். இதனிடையே நாளை நியூசிலாந்து அணிக்கு எதிராக நடக்கவுள்ள மூன்றாவது டி20 போட்டிகளில் 25 ரன்கள் எடுத்தால் டி20 போட்டிகளில் கேப்டனாக அதிக ரன்கள் எடுத்த முன்னாள் இந்திய கேப்டன் தோனியின் சாதனையை முறியடிப்பார்.

இதுவரை இந்திய கேப்டன் விராட் கோலி 35 போட்டிகளில் கேப்டனாக ஆடி, 46.90 ஆவரேஜுடனும், 143.73 ஸ்ட்ரைக் ரேட்டுடனும் 1088 ரன்களைக் குவித்துள்ளார். இந்திய அணியின் முன்னாள் கேப்டன் தோனி கேப்டனாக 1112 ரன்களைக் குவித்துள்ளார்.

இந்தப் பட்டியலில் தென் ஆப்பிரிக்க அணியின் முன்னாள் கேப்டன் டூ ப்ளஸிஸ் 1273 ரன்கள் எடுத்து முதலிடத்திலும், நியூசிலாந்து அணியின் கேப்டன் கேன் வில்லியம்சன் 1148 ரன்களுடன் இரண்டாம் இடத்திலும் உள்ளனர்.

நாளை நியூசிலாந்துக்கு எதிராக நடக்கும் மூன்றாவது போட்டியில் தோனியின் சாதனையை முறியடித்து டி20 போட்டிகளில் அதிக ரன்கள் அடித்த கேப்டன்கள் பட்டியலில் மூன்றாம் இடம் பிடிப்பார் என்று எதிர்பார்க்கப்படுகிறது.