இந்திய அணியின் முன்னாள் கேப்டன் டோனி அடிக்கும் ஹெலிகாப்டர் ஷாட்டை அடித்து சிறுமி ஒருவர் அசத்தி வருகிறார்.
சிறுமி ஒருவர் இந்திய அணியின் முன்னாள் கேப்டன் தோனி அடிக்கும் ஹெலிகாப்டர் சாட்டை விளையாடி அசத்தும் வீடியோ இணையத்தில் வைரலாகி வருகிறது. பாரி ஷர்மா என்கிற சிறுமி குறித்த வீடியோவை இந்திய கிரிக்கெட் அணியின் முன்னாள் பேட்ஸ்மேன் ஆகாஷ் சோப்ரா ட்விட்டர் பக்கத்தில் பகிர்ந்துள்ளார். அத்துடன் ” நம் பரி ஷர்மா. திறமைவாய்ந்த சிறுமி அல்லவா அவர் ?” என்று பதிவிட்டிருந்தார்.
இந்திய மகளிர் கிரிக்கெட் அணியில் பாரி சர்மாவுக்கு எதிர்காலத்தில் இடம் உண்டு என பலரும் தெரிவித்தனர். பாரி சர்மா பேட்டிங் திறமைக்காக இணையதளத்தில் வைரலாக இது முதல்முறை அல்ல. இதற்கு முன்பு இங்கிலாந்து கிரிக்கெட் அணியின் முன்னாள் கேப்டன் மைக்கேல் வாகன் இவர் பேட்டிங் செய்யும் வீடியோவை பகிர்ந்துள்ளார். அதேபோல மேற்கிந்திய தீவுகள் கிரிக்கெட் அணியின் பேட்ஸ்மேன் ஷாய் ஹோப்பும் பகிர்ந்து பாராட்டுகளை தெரிவித்திருந்தார் என்பது குறிப்பிடத்தக்கது.