சிவகார்த்திகேயனின் புதிய படத்தில் இயக்குனர் கவுதம் மேனன் நடித்துள்ளார் என்று தகவல் வெளியாகியுள்ளது.
தமிழ் சினிமாவில் சிறியவர் முதல் பெரியவர் வரை அனைவரும் விரும்பும் நடிகராக வலம் வருபவர் சிவகார்த்திகேயன். இவரது நடிப்பில் தற்போது டான் எனும் திரைப்படம் உருவாகி வருகிறது. இத்திரைப்படத்தில் எஸ்.ஜே.சூர்யா, பிரியா மோகன், ஷிவாங்கி உள்ளிட்ட பிரபலங்கள் நடித்து வருகின்றனர்.
இந்நிலையில் டான் திரைப்படத்தில் பிரபல இயக்குனர் கவுதம் மேனன் கேமியோ கதாபாத்திரத்தில் நடிக்க இருப்பதாக தகவல் வெளியாகியுள்ளது. மேலும் கூடிய விரைவில் கவுதம் மேனன் இயக்கத்தில் சிவகார்த்திகேயன் நடிக்க உள்ளதாகவும், இந்த புது படத்தினை ஐசரி கணேஷ் தயாரிப்பதாக இருப்பதாகவும் கூறப்படுகிறது.