தர்மதுரை2 படத்தை நான் இயக்கவில்லை என சீனு ராமசாமி ட்விட்டர் பக்கத்தில் பதிவிட்டுள்ளார்.
நடிகர் விஜய் சேதுபதி தமிழ் சினிமாவில் முன்னணி நடிகர்களில் ஒருவராக இருக்கிறார். சீனு ராமசாமி இயக்கத்தில் இவர் நடிப்பில் 2016 ஆம் ஆண்டு வெளியான படம் ”தர்மதுரை”. இந்த படத்தில் விஜய்சேதுபதி, தமன்னா, ஐஸ்வர்யா ராஜேஷ் மற்றும் பலர் நடித்திருந்தனர். ஆர். கே.சுரேஷ் தயாரித்திருந்த இந்த படத்திற்கு யுவன்சங்கர்ராஜா இசையமைத்தார்.
சமீபத்தில், இந்த படத்தின் இரண்டாம் பாகம் உருவாக இருப்பதாக இந்த படத்தின் தயாரிப்பாளர் ஆர்.கே.சுரேஷ் தனது ட்விட்டர் பக்கத்தில் தெரிவித்திருந்தார். இந்நிலையில், இந்த படத்தின் இயக்குனர் சீனுராமசாமி தனது ட்விட்டர் பக்கத்தில்,” தர்மதுரை2 எடுக்க இருப்பதாக செய்திகள் வருகின்றன. வாழ்த்துக்கள். ஆனால், அந்த படத்தை நான் இயக்குவதாக வரும் செய்திகள் உண்மையில்லை” என பதிவிட்டுள்ளார்.
தர்மதுரை பாகம் இரண்டு எடுக்கப் போவதாக செய்திகள் வருகின்றன.
வாழ்த்துக்கள்.💐
ஆனால்
அதை நான் இயக்குவதாக வரும் செய்திகள்
உண்மையல்ல.
ஆகவே அது சம்பந்தமான விசயத்தில்
எனக்கு எவ்வித சம்பந்தம்
இல்லை என்பதை தெரிவிக்க விரும்புகிறேன்.விரைவில் என் அடுத்த படம் குறித்த அறிவிப்பு வரும்.
🙏— Seenu Ramasamy (@seenuramasamy) October 17, 2021