நாமக்கலில் நடைபெற்ற சமையல் போட்டியில் கலந்து கொண்ட பெண்கள் பல்வேறு வகையான உணவு வகைகளை கொண்டுவந்துள்ளனர்.
நாமக்கல் மாவட்டத்தில் உள்ள தெற்கு அரசு ஆண்கள் மேல்நிலைப்பள்ளி வளாகத்தில் ஒருங்கிணைந்த குழந்தை வளர்ச்சி திட்டம் சார்பில் மாவட்ட அளவிலான சமையல் போட்டி நடைபெற்றுள்ளது. இந்த போட்டியில் 15 ஒன்றியங்களில் இருந்து 30 பெண்கள் கலந்து கொண்டுள்ளனர். இந்த போட்டியை மாவட்ட ஆட்சியரின் நேர்முக உதவியாளர் தலைமை தாங்கி தொடங்கி வைத்துள்ளார்.
இதனையடுத்து போட்டியில் கலந்து கொண்ட பெண்கள் சிறுதானிய உணவு வகை, இயற்கை உணவு வகை, அடுப்பு இல்லாத சமையல் என பல்வேறு வகையான உணவுகளை கொண்டு வந்து திறமையை நிருபித்துள்ளனர். இதில் வெற்றி பெற்றவர்களுக்கு பின்னர் பரிசு வழங்கப்படுமென அதிகாரிகள் தெரிவித்துள்ளனர். மேலும் இந்த போட்டியில் மாவட்ட குழந்தை வளர்ச்சி திட்ட அலுவலர் ஜான்சிராணி, முதன்மை கல்வி அலுவலர் பாலுசாமி மற்றும் உணவு பாதுகாப்பு அலுவலர்கள் ஆகியோர் பங்கேற்றுள்ளனர்.