டிராக்டர் மோதி விவசாயி உயிரிழந்த சம்பவம் சோகத்தை ஏற்படுத்தியுள்ளது.
கள்ளக்குறிச்சி மாவட்டத்தில் உள்ள புதுப்பட்டு பகுதியில் விவசாயியான கேசவன் என்பவர் வசித்து வந்துள்ளார். இந்நிலையில் கேசவன் தனது இருசக்கர வாகனத்தில் புதுப்பட்டு பேருந்து நிறுத்தும் அருகில் சென்று கொண்டிருந்த போது எதிரே வந்த டிராக்டர் பயங்கரமாக அவர் மீது மோதியது.
இதில் படுகாயமடைந்த அவரை அருகில் இருந்தவர்கள் மீட்டு சிகிச்சைக்காக அரசு மருத்துவமனைக்கு அனுப்பி வைத்துள்ளனர். ஆனால் மருத்துவமனைக்கு செல்லும் வழியிலேயே கேசவன் பரிதாபமாக உயிரிழந்தார். மேலும் இது குறித்து வழக்குப்பதிவு செய்த காவல்துறையினர் தீவிர விசாரணை மேற்கொண்டு வருகின்றனர்.