பாகுபலி படத்தை இயக்கியதன் மூலம் பிரபல இயக்குனராக வலம் வருபவர் ராஜமவுலி. இவர் இயக்கத்தில் வெளியாகும் படங்கள் ரசிகர்கள் மத்தியில் நல்ல வரவேற்பு பெற்று வருகிறது. இதனயடுத்து, இவர் இயக்கத்தில் கடந்த மார்ச் 25 ஆம் தேதி ரிலீசான திரைப்படம் ”ஆர்ஆர்ஆர்”. ஜூனியர் என்டிஆர் மற்றும் ராம்சரண் நடித்த இந்த திரைப்படம் தமிழ், தெலுங்கு, மலையாளம், கன்னடம், ஹிந்தி போன்ற மொழிகளில் வெளியானது.
இந்த திரைப்படம் வசூல் ரீதியாகவும், விமர்சன ரீதியாகவும் நல்ல வரவேற்பு பெற்றது. மேலும், இந்த படத்தில் ஆலியா பட், அஜய் தேவ்கான், பிரகாஷ்ராஜ், சமுத்திரக்கனி மற்றும் பலர் முக்கிய கதாபாத்திரத்தில் நடித்திருந்தனர்.
இந்நிலையில், நியூயார்க் ஃபிலிம் கிரிட்டிக்ஸ் சர்கிள் விருது, இந்த படத்திற்காக சிறந்த இயக்குனருக்கான விருது இயக்குனர் ராஜமவுலிக்கு கிடைத்துள்ளது. மேலும், ரோலிங் ஸ்டோன் மாத இதழின் சிறந்த படங்களில் இந்த படம் 12வது இடத்தை பிடித்துள்ளது என்பது குறிப்பிடத்தக்கது. இவருக்கு ரசிகர்கள் மற்றும் திரையுலக பிரபலங்கள் பலரும் வாழ்த்துக்களை தெரிவித்து வருகின்றனர்.