நாட்டின் பெரும்பாலான பகுதிகளில் வெங்காய விலை இன்னும் அதிகரித்த வண்ணம் உள்ளது.
தீபாவளிப் பண்டிகை வரை விலை குறைவதற்கு வாய்ப்பே இல்லை என வியாபாரிகள் பலரும் தெரிவித்துள்ளனர். வெங்காயம் அதிகம் உற்பத்தியாகும் மகாராஷ்டிரா, கர்நாடகா, ஆந்திரா போன்ற பல மாநிலங்களில் கன மழையால் விவசாயம் கடுமையாக பாதிக்கப்பட்டுள்ளது. வெள்ளம் பாதிப்பால் அங்கு இரும்பில் இருக்கும் வெங்காயத்தைக் கொண்டு செல்லவும் முடியாத நிலை இருந்து வருகிறது.
இதனால் தமிழகம் மட்டுமன்றி டெல்லி, ஹரியானா, உத்திரப்பிரதேசம் போன்ற பிற மாநிலங்களிலும் வெங்காய விலை அதிகரித்துள்ளது. தமிழகத்தைப் போல் டெல்லியில் வெங்காய விலை கிலோ 100 ரூபாயை தாண்டியுள்ளது. அடுத்த சில நாட்களில் மேலும் 15 ரூபாய் வரை விலை அதிகரிக்க வாய்ப்பு இருப்பதாகவும். வரும் தீபாவளி பண்டிகை வரை வெங்காய விலை குறைவதற்கான சாத்தியக்கூறுகள் இல்லை என்றும் வியாபாரிகள் தெரிவித்துள்ளனர்.