தமிழகத்தில் வருகிற அக்டோபர் 24-ஆம் தேதி தீபாவளி பண்டிகை கொண்டாடப்பட இருப்பதால் இப்போது இருந்தே ரயில்களில் முன்பதிவு தொடங்கப்பட்டுள்ளதோடு, சிறப்பு ரயில்களும் இயக்கப்படும் என்று அறிவிப்பு வெளியிடப்பட்டுள்ளது. அந்த வகையில் மதுரை ரயில்வே கோட்டம் ஒரு முக்கிய அறிவிப்பை வெளியிட்டுள்ளது. அதன்படி தாம்பரத்தில் இருந்து திருநெல்வேலிக்கு சிறப்பு எக்ஸ்பிரஸ் ரயில்கள் இயக்கப்பட இருக்கிறது. தாம்பரத்திலிருந்து அக்டோபர் 22-ஆம் தேதி இரவு 10:20 மணிக்கு புறப்படும் ரயில் செங்கல்பட்டு, விழுப்புரம், விருத்தாச்சலம், திருச்சி, திண்டுக்கல், மதுரை, விருதுநகர், சாத்தூர், கோவில்பட்டி வழியாக மறுநாள் காலை 9 மணிக்கு திருநெல்வேலி சென்றடையும்.
அதன் பிறகு திருநெல்வேலியில் இருந்து அக்டோபர் 26-ம் தேதி மாலை 5:50 மணிக்கு புறப்படும் ரயில் கோவில்பட்டி, சாத்தூர், விருதுநகர், மதுரை, திண்டுக்கல், திருச்சி, விருத்தாச்சலம், விழுப்புரம், திண்டுக்கல், செங்கல்பட்டு வழியாக அதிகாலை 4:10 மணிக்கு தாம்பரத்தை சென்றடையும். இதைத்தொடர்ந்து சென்னை சென்ட்ரலில் இருந்து ராமேஸ்வரத்துக்கு ஒரு சிறப்பு எக்ஸ்பிரஸ் ரயில் இயக்கப்பட இருக்கிறது. அதன்படி சென்ட்ரலில் இருந்து அக்டோபர் 23-ஆம் தேதி புறப்படும் ரயில் மறுநாள் காலை 11 மணிக்கு இராமேஸ்வரத்தை சென்றடையும். மேலும் ராமேஸ்வரத்தில் இருந்து அக்டோபர் 24-ஆம் தேதி மாலை 4:20 மணிக்கு புறப்படும் ரயில் மறுநாள் காலை 6:20 மணிக்கு தாம்பரத்தை சென்றடையும் என்று கூறப்பட்டுள்ளது