“ஜகமே தந்திரம்” திரைப்படம் குறித்த அப்டேட்டை இயக்குனர் கார்த்திக் சுப்புராஜ் வெளியிட்டுள்ளார்.
பிரபல இயக்குனர் கார்த்திக் சுப்புராஜ் இயக்கத்தில் முன்னணி நடிகர் தனுஷ் நடிப்பில் உருவாகியுள்ள திரைப்படம் “ஜகமே தந்திரம்”. சந்தோஷ் நாராயணன் இசையமைத்துள்ள இப்படத்தின் இரண்டு பாடல்கள் ஏற்கனவே இணையத்தில் வெளியாகி ரசிகர்கள் மத்தியில் மாபெரும் ஹிட்டடித்தது.
இதை தொடர்ந்து கடந்த சில தினங்களுக்கு முன்பு வெளியான இப்படத்தின் டிரைலரும் இப்படத்திற்கான எதிர்பார்ப்பை அதிகரித்துள்ளது. இந்நிலையில் ஜகமே தந்திரம் திரைப்படத்தின் ஆடியோ வரும் ஜூன் 7-ஆம் தேதி வெளியாக இருப்பதாக இயக்குனர் கார்த்திக் சுப்புராஜ் தெரிவித்துள்ளார். மேலும் இப்படத்தில் மொத்தமாக 8 பாடல்கள் இருக்கிறது என்றும் அவர் குறிப்பிட்டுள்ளார். இத்தகவல் ரசிகர்களிடம் இப்படத்திற்கான எதிர்பார்ப்பை அதிகரித்து வருகிறது.