பிசாசு படத்தின் இரண்டாம் பாகத்தில் விஜய் சேதுபதி நடிக்கும் கதாபாத்திரம் குறித்த தகவல் வெளியாகி உள்ளது.
மிஷ்கின் இயக்கத்தில் கடந்த 2014 ஆம் ஆண்டு வெளியான ‘பிசாசு’ திரைப்படம் ரசிகர்கள் மத்தியில் நல்ல வரவேற்ப்பு பெற்றது. இதை தொடர்ந்து இப்படத்தின் இரண்டாம் பாகம் உருவாகி வரும் நிலையில் தமிழ் சினிமாவின் பிரபல நடிகையாக வலம் வரும் ஆண்ட்ரியா இப்படத்தில் முக்கிய கதாபாத்திரத்தில் நடிக்கிறார்.
மேலும் பூர்ணா, ராஜ்குமார், பிச்சுமணி ஆகியோரும் இப்படத்தில் நடிக்கின்றனர். இந்நிலையில் சமீபத்தில் பேட்டி ஒன்றில் பங்கேற்ற மிஷ்கின், பிசாசு படத்தின் முதல் பாகத்திற்கும் இரண்டாம் பாகத்திற்கும் எந்தவித தொடர்பும் இல்லை என்றும் இது முற்றிலும் மாறுபட்ட கதை என்றும் கூறியுள்ளார்.
மேலும் தமிழ் சினிமாவின் முன்னணி நட்சத்திர நாயகனாக வலம் வரும் விஜய் சேதுபதி இப்படத்தில் கவுரவ வேடத்தில் நடிக்கிறார் என்று கூறினார். இந்நிலையில் விஜய் சேதுபதி இந்த படத்தில் எந்த கதாபாத்திரத்தில் நடிக்கிறார் என்ற தகவல் வெளியாகியுள்ளது. அதன்படி இப்படத்தில் விஜய் சேதுபதி பேய் ஓட்டும் நபராக நடிக்கிறார் என்று தெரியவந்துள்ளது.