தேனி மாவட்டத்தில் இருசக்கர வாகனத்தில் சென்ற நபர் எதிர்பாராதவிதமாக கீழே விழுந்து உயிரிழந்த சம்பவம் அவரது குடும்பத்தினரை சோகத்தை ஏற்படுத்தியுள்ளது.
தேனி மாவட்டம் ஆண்டிபட்டியை அடுத்துள்ள பெருமாள்கோவில்பட்டியில் ராஜா(33) என்பவர் வசித்து வந்துள்ளார். இவர் க.விலக்கிலிருந்து ஆண்டிபட்டியை நோக்கி நேற்று முன்தினம் இரவு இருசக்கர வாகனத்தில் சென்றுள்ளார். இதனையடுத்து தேனி-மதுரை பைபாஸில் சாலை அமைக்கும் பணிகள் நடைபெற்று வருகின்றது. இந்நிலையில் ராஜாவின் இருசக்கர வாகனம் அங்கிருந்த மண் குவியல் மீது மோதி நிலை தடுமாறி கீழே விழுந்துள்ளது.
இந்த விபத்தில் ராஜ படுகாயம் அடைந்துள்ளார். இதனைப்பார்த்து அதிர்ச்சியடைந்த அப்பகுதியினர் உடனடியாக அவரை மீட்டு தேனி மருத்துவமனைக்கு அனுப்பி வைத்துள்ளனர். ஆனால் துரதிஷ்டவசமாக ராஜா செல்லும் வழியிலேயே உயிரிழந்துள்ளார். மேலும் இச்சம்பவம் குறித்து வழக்குப்பதிவு செய்த க.விலக்கு போலீசார் விசாரணை மேற்கொண்டு வருகின்றனர்.