கர்ப்பமான வயிற்றைக் காட்டி போட்டோ ஷூட் நடத்த வேண்டாம் என்று கூறிய ரசிகருக்கு நடிகை பரீனா பதிலடி கொடுத்துள்ளார்.
பிரபல தொலைக்காட்சி சேனலான விஜய் டிவியில் ஒளிபரப்பாகி வரும் சீரியல்கள் அனைத்துமே ரசிகர்கள் மத்தியில் நல்ல வரவேற்பு பெற்று வருகிறது. அதிலும் குறிப்பாக பாரதிகண்ணம்மா சீரியல் தொடர்ந்து டிஆர்பியிலும் முன்னணியில் இருந்து வருகிறது. இதற்கு காரணம் இந்த சீரியலின் முக்கிய கதாபாத்திரமான கண்ணம்மாவும், வெண்பாவும் தான். வெண்பா கதாபாத்திரத்தில் நடித்து வரும் பரீனா நிஜவாழ்க்கையில் கர்ப்பமாக இருக்கிறார்.
ஆகையால் அவர் விதவிதமான போட்டோ ஷூட்களை நடத்தி அதை தனது சமூக வலைத்தள பக்கத்தில் பதிவு செய்து வருகிறார். இந்நிலையில் அண்மையில் பரீனா ரசிகர்களுடன் கலந்துரையாடியபோது ரசிகர் ஒருவர் கர்ப்பமான வயிற்றைக் காட்டி போட்டோ ஷூட் நடத்த வேண்டாம் என்று கூறியுள்ளார். இதற்கு பதிலளித்த பரீனா நம்மைச் சுற்றி நல்ல உள்ளங்களும், நல்ல எண்ணமும் இருந்தால் போதும் ஒன்றும் ஆகாது என்று கூறியுள்ளார்.
