மீன் பிடித்துக் கொண்டிருந்த வாலிபர் திடீரென ஆற்றில் தவறி விழுந்து உயிரிழந்த சம்பவம் சோகத்தை ஏற்படுத்தியுள்ளது.
மயிலாடுதுறை மாவட்டத்தில் உள்ள வைரவனிருப்பு கிராமத்தில் கணேசன் என்பவர் வசித்து வந்தார். இவர் கடந்த இரண்டு நாட்களுக்கு முன்பு பழவனாற்றில் தூண்டில் போட்டு மீன் பிடித்துக் கொண்டிருந்தபோது திடீரென தவறி ஆற்றுக்குள் விழுந்து மாயமானார். இதுகுறித்து அக்கம் பக்கத்தினர் தீயணைப்பு துறையினருக்கு தகவல் தெரிவித்துள்ளனர். இந்த தகவலின் பேரில் தீயணைப்புத்துறையினர் சம்பவ இடத்திற்கு விரைந்து வந்து ஆற்றில் கணேசனை தேடும் முயற்சியில் ஈடுபட்டுள்ளனர்.
இவர்கள் சுமார் ஒன்றரை மணி நேரத்திற்கு பிறகு கணேசனைப் பிணமாக மீட்டுள்ளனர். இதுகுறித்து தகவல் அறிந்ததும் காவல்துறையினர் சம்பவ இடத்திற்கு விரைந்து வந்து கணேசனின் உடலை கைப்பற்றி உடற்கூறு ஆய்வுக்காக அரசு மருத்துவமனைக்கு கொண்டு சென்றுள்ளனர். மேலும் இது குறித்து காவல்துறையினர் வழக்குப் பதிவு செய்து விசாரணை நடத்தி வருகின்றனர்.