அங்க ஏன் போனீங்க… நண்பர்கள் கண்முன்னே நடந்த துயரம்… திருவள்ளூரில் பரபரப்பு…!!

நண்பர்களுடன் குளிக்க சென்ற கட்டிட தொழிலாளி நீரில் மூழ்கி பலியான சம்பவம் சோகத்தை ஏற்படுத்தியுள்ளது.

திருவள்ளூர் மாவட்டத்திலுள்ள விளாங்காடு பாக்கம் பெருமாள் கோவில் தெருவில் சுரேஷ் என்பவர் வசித்து வருகிறார். இவர் கட்டிட தொழிலாளியாக பணிபுரிந்து வந்துள்ளார். சுரேஷ் தனது நண்பர்கள் 4 பேருடன் சேர்ந்து விலங்கடுபக்கம் பகுதியில் உள்ள குளத்தில் குளிப்பதற்காக சென்றுள்ளார். அங்கு குளித்துக்கொண்டிருந்த சுரேஷ் ஆழமான பகுதிக்கு சென்றதால் சேற்றில் சிக்கி தண்ணீரில் மூழ்கி பரிதாபமாக இறந்துவிட்டார்.

இச்சம்பவம் குறித்து உடனடியாக செங்குன்றம் தீயணைப்பு நிலைய வீரர்களுக்கு தகவல் தெரிவிக்கப்பட்டது. இதனையடுத்து சம்பவ இடத்திற்கு விரைந்து வந்த தீயணைப்பு நிலைய வீரர்கள் சுரேஷின் உடலை மீட்கும் பணியில் ஈடுபட்டனர். அதன்பின் அவரின் உடலை மீட்டு பிரேத பரிசோதனைக்காக மருத்துவமனைக்கு அனுப்பி வைத்தனர். மேலும் சம்பவம் குறித்து வழக்கு பதிவு செய்து செங்குன்றம் போலீசார் விசாரணை நடத்தி வருகின்றனர்.