2019- 20இல் நாட்டின் பொருளாதார வளர்ச்சி 5 விழுக்காடாக இருக்கும் என கணிக்கப்பட்டுள்ள நிலையில், தேசிய வளர்ச்சியைவிட தமிழ்நாட்டின் பொருளாதார வளர்ச்சி 7.27 விழுக்காடாக உள்ளது.
2020-21ஆம் நிதியாண்டுக்கான பட்ஜெட்டில் நிதியமைச்சர் ஓ. பன்னீர்செல்வம் மாநிலத்தின் பொருளாதார வளர்ச்சி தொடர்பான அறிவுப்புகளை வெளியிட்டார். அப்போது அவர், 2018-19ஆம் நிதியாண்டில் தமிழ்நாட்டின் பொருளாதார வளர்ச்சி 8.17 விழுக்காடாக இருந்துள்ளது. 20190-20இல் பொருளாதார வளர்ச்சி 7.27 விழுக்காடாக இருக்கும் என இந்த பட்ஜெட்டில் கணிக்கப்பட்டுள்ளது” என்று கூறினார்.
கடந்த பட்ஜெட்டில் 2019-20 ஆம் நிதியாண்டில் மாநிலத்தின் பொருளாதார வளர்ச்சி 8.16 விழுக்காடாக இருக்கும் எனக் கணிக்கப்பட்டிருந்த நிலையில், தற்போது இது 7.27 விழுக்காடாக குறைத்து மதிப்பிடப்பட்டுள்ளது. இருப்பினும், 2019-20இல் நாட்டின் பொருளாதார வளர்ச்சி 5 விழுக்காடாக இருக்கும் என கணிக்கப்பட்டுள்ள நிலையில், தேசிய வளர்ச்சியை விட தமிழ்நாட்டின் பொருளாதார வளர்ச்சி அதிகமாக உள்ளது.