மின்வேலியில் சிக்கி பெண் உயிரிழந்த சம்பவம் சோகத்தை ஏற்படுத்தியுள்ளது.
திருவண்ணாமலை மாவட்டத்தில் உள்ள இலுப்பகுணம் கிராமத்தில் ஏழுமலை என்பவர் வசித்து வருகிறார். இவருக்கு இருளர் இனத்தைச் சேர்ந்த சந்தியா என்ற மனைவி இருந்துள்ளார். இந்நிலையில் கனமழை காரணமாக படுக்க இடமில்லாமல் அங்குள்ள ரேஷன் கடை அருகே படுப்பதற்காக குழந்தையுடன் சென்று கொண்டிருந்தார். அப்போது சாலையோரம் உள்ள நிலத்தில் எலி தொல்லையின் காரணமாக ஜெயபால் தனது நிலத்தில் மின்வேலி அமைத்திருந்தார். இதனை சந்தியா தெரியாமல் மிதித்துள்ளார்.
இதனால் மின்சாரம் தாக்கி சந்தியா சம்பவ இடத்திலேயே பரிதாபமாக உயிரிழந்து விட்டார். இது குறித்து தகவல் அறிந்த காவல்துறையினர் சம்பவ இடத்திற்கு விரைந்து சென்று சந்தியாவின் உடலை கைப்பற்றி பிரேத பரிசோதனைக்காக அரசு மருத்துவமனைக்கு அனுப்பி வைத்துள்ளனர். மேலும் இச்சம்பவம் குறித்து வழக்கு பதிவு செய்த காவல்துறையினர் நிலத்தின் உரிமையாளரான ஜெயபாலை கைது செய்து தீவிர விசாரணை மேற்கொண்டு வருகின்றனர்.