பிரபல ரவுடியான வாலிபரை காவல்துறையினர் கைது செய்துள்ளனர்.
தூத்துக்குடி மாவட்டத்திலுள்ள தாமோதரன் நகர் பகுதியில் இசக்கிமுத்து என்பவர் தனது குடும்பத்துடன் வசித்து வருகின்றார். இவருக்கு ரவுடியான இசக்கிராஜா என்ற மகன் இருக்கின்றனர். இந்நிலையில் இசக்கிராஜா கந்தசாமிபுரம் பகுதியில் நின்று கொண்டிருந்தபோது அவ்வழியாக சென்ற ஒருவரிடம் பணம் கேட்டுள்ளார். அதற்கு அவர் மறுப்பு தெரிவித்ததால் உடனே இசக்கிராஜா தான் மறைத்து வைத்திருந்த அரிவாளை எடுத்து உன்னை கொன்று விடுவேன் என்று மிரட்டி அவரிடம் இருந்த பணத்தை பறித்து சென்றுள்ளார்.
இதனால் அதிர்ச்சி அடைந்த அவர் உடனடியாக காவல் நிலையத்தில் புகார் கொடுத்துள்ளார்.அந்த புகாரின்படி வழக்குப்பதிந்த காவல்துறையினர் அரிவாளை எடுத்து மிரட்டி பணத்தை பறித்து சென்ற இசக்கி ராஜாவை கைது செய்துள்ளனர். அதன்பிறகு காவல்துறையினர் இசக்கி ராஜாவிடமிருந்து பணத்தையும், அரிவாளையும் பறிமுதல் செய்துள்ளனர். மேலும் இசக்கி ராஜாவின் மீது திருட்டு மற்றும் கொலை மிரட்டல் வழக்குகள் பல்வேறு காவல் நிலையங்களில் நிலுவையில் இருப்பதால் ரவுடியான இசக்கிராஜாவை கைது செய்து சிறையில் அடைத்து விட்டனர்.