தமிழகத்தில் ரேஷன் கடைகளில் பொங்கல் பரிசு தொகுப்பு மற்றும் 2,500 ரூபாய் ரொக்கம் ஆகியவை இன்றுடன் முடிவடைகிறது.
தமிழக அரசு பொங்கலை முன்னிட்டு 2.10 கோடி அரிசி கார்டுதாரர்களுக்கு 2500 ரூபாய் பணமும், பச்சரிசி, சர்க்கரை, முந்திரி, திராட்சை, ஏலம், கரும்பு, துணிப்பை வழங்குவதாக அறிவித்திருந்தது. இந்த பரிசு தொகுப்பு ரேஷன் கடைகளில் நான்காம் தேதி முதல் வழங்கப்பட்டு வந்தது. அதற்கான அவகாசம் 13ஆம் தேதி வரை முடிந்தது. பொங்கல் கொண்டாட மக்கள் சொந்த ஊர் சென்றது உள்ளிட்ட பல்வேறு காரணங்களால் 3 லட்சம் கார்டுதாரர்கள் பரிசுத் தொகுப்பு வாங்காமல் இருந்தனர்.
இதனால் விடுபட்ட கார்டுதாரர்களுக்கு ஜனவரி 18ஆம் தேதி முதல் 25-ம் தேதி வரை பொங்கல் பரிசை வாங்கிக் கொள்ளலாம் என்று அறிவித்து இருந்தது. இந்த அவகாசம் இன்றுடன் முடிவடைகிறது. இதுவரை வாங்காதவர்கள் இன்று சென்று வாங்கி கொள்ளுங்கள் என தெரிவிக்கப்பட்டுள்ளது.