புதுடெல்லியில் இருந்து சிறப்பு விமானத்தில் மூலமாக காபூலுக்கு உயிர்காக்கும் மருத்துவ பொருட்களை இந்தியா அனுப்பி வைத்தது.
ஆப்கானிஸ்தானில் தலிபான்கள் ஆட்சி நடைபெற்று வருகிறது. இந்நிலையில் ஆப்கானிஸ்தானுக்கு சமீபத்தில் 1.6 மெட்ரிக் டன் மருத்துவ பொருட்களை இந்தியா அனுப்பி வைத்தது. அதாவது புதுடெல்லியில் இருந்து சிறப்பு விமானத்தின் மூலம் காபூலுக்கு உயிர்காக்கும் மருத்துவ பொருட்கள் அனுப்பி வைக்கப்பட்டது. இதனால் இந்தியாவுக்கு ஆப்கானிஸ்தான் தங்களது நன்றியை தெரிவித்துள்ளது.
இந்த கொரோனா காலத்தில் இந்தியாவின் இந்த உதவி பல குடும்பங்களுக்கு உதவிகரமாக இருக்கும். இதனிடையில் பிராந்தியத்தின் முதன்மையான நாடுகளில் ஒன்றான இந்தியாவுக்கும்- ஆப்கானிஸ்தானுக்கும் இடையிலான உறவு மிகவும் முக்கியத்துவம் வாய்ந்தது எனவும் ஆப்கானிஸ்தான் தெரிவித்துள்ளது.