மோட்டார் சைக்கிள் மீது வேன் மோதிய விபத்தில் டிப்ளமோ என்ஜினீயர்கள் பலியான சம்பவம் சோகத்தை ஏற்படுத்தியுள்ளது.
தென்காசி மாவட்டத்திலுள்ள திருவேங்கடம் பகுதியில் கந்தசாமி என்பவர் வசித்து வருகிறார். இவருக்கு டிப்ளமோ என்ஜினீயரான கார்த்திகேயன் என்ற மகன் இருந்துள்ளார். இந்நிலையில் கொரோனா ஊரடங்கு காரணமாக சொந்த ஊருக்கு சென்ற கார்த்திகேயன் சொந்தமாக இரண்டு லாரிகளை வாங்கியுள்ளார். இந்த லாரிகளை டிப்ளமா என்ஜினீயரான காளிராஜ் என்பவர் ஓட்டி வந்துள்ளார். இந்நிலையில் உறவினர் வீட்டில் நடைபெற்ற விழாவில் கலந்துகொண்டு கார்த்திகேயனும், காளிராஜும் மோட்டார்சைக்கிளில் ஊருக்கு திரும்பியுள்ளனர்.
இதனையடுத்து சத்திரகொண்டான் விலக்கு அருகில் வந்து கொண்டிருந்த போது, அவ்வழியாக சென்ற வேன் இவர்களின் மோட்டார் சைக்கிள் மீது பலமாக மோதியது. இந்த விபத்தில் படுகாயமடைந்த இரண்டு பேரையும் அருகில் உள்ளவர்கள் மீட்டு அரசு மருத்துவமனைக்கு சிகிச்சைக்காக கொண்டு சென்றனர். ஆனால் மருத்துவமனைக்கு போகும் வழியிலேயே கார்த்திகேயனும், காளிராஜும் பரிதாபமாக இறந்து விட்டனர். இதுகுறித்து வழக்குப்பதிவு செய்த காவல்துறையினர் வேன் டிரைவரான செல்வகுமார் என்பவரை கைது செய்து விசாரணை மேற்கொண்டு வருகின்றனர்.