தமிழ் சினிமாவில் முன்னணி நடிகையாக வலம் வருபவர் ஹன்சிகா. இவர் தனுஷின் மாப்பிள்ளை திரைப்படம் மூலம் அறிமுகமானார். அதனைத் தொடர்ந்து விஜய், சூர்யா, உதயநிதி, தனுஷ், சிம்பு, ஆர்யா, ஜெயம் ரவி ஆகிய முன்னணி நடிகருடன் நடித்து பிரபலமானார். ஹன்சிகாவும் தொழில் பார்ட்னர் சோகைல் கதிரியாவை காதலித்து அடுத்த மாதம் திருமணம் செய்து கொள்ள இருக்கிறார்கள். தனது வருங்கால கணவரை வலைதளங்களில் ரசிகர்களுக்கு ஹன்சிகா அறிமுகம் செய்து வைத்துள்ளார். ஜெய்பூரில் உள்ள 450 ஆண்டுகள் பழமையான அரண்மனையில் நடக்க உள்ளது.
இந்நிலையில் திருமணத்துக்கு பிறகு ஹன்சிகா சினிமாவை விட்டு விலக முடிவு செய்திருப்பதாக இணையதளத்தில் தகவல் பரவியது. இது ஹன்சிகா ரசிகர்களை வருத்தத்தில் ஆழ்த்தியது. இந்நிலையில் இது குறித்து ஹன்சிகா கூறியது, “ஒவ்வொரு தொழிலும் மதிப்பு மிக்கது என்பதை நான் உறுதியாக நம்புகிறேன். எனவே திருமணத்திற்கு பிறகும் சினிமாவில் தொடர்ந்து நடிப்பேன். திருமணம் எந்த ஒரு தொழிலுக்கும் தடையாக இருக்காது” என்று தெரிவித்துள்ளார். இதனால் ரசிகர்கள் மிகுந்த மகிழ்ச்சியில் உள்ளனர்.
