அதிமுக ஒருங்கிணைப்பாளரான ஓ பன்னீர்செல்வம் மற்றும் இணை ஒருங்கிணைப்பாளர் எடப்பாடி பழனிசாமி இருவரும் நேதாஜி சுபாஷ் சந்திர போஸின் 125-ஆவது பிறந்த நாளிற்கு ட்விட்டரில் வாழ்த்து பதிவிட்டுள்ளனர்.
இந்திய சுதந்திர போராட்டத்தில் மிகப்பெரிய பங்கு வகித்த நேதாஜி சுபாஷ் சந்திர போஸ் அவர்களுக்கு இன்று 125வது பிறந்தநாள். நேதாஜியின் பிறந்த நாள் இன்று, நாடு முழுக்க கொண்டாடப்படுகிறது.
இந்நிலையில் அதிமுகவின் இணை ஒருங்கிணைப்பாளரான எடப்பாடி பழனிச்சாமி தன் ட்விட்டர் பக்கத்தில், “ஆங்கிலேயர்களை எதிர்த்து நாட்டிலுள்ள துடிப்பான இளைஞர்களை ஒன்று திரட்டியதோடு, இந்திய ராணுவத்தை ஏற்படுத்தி எதிரிகளை திணறச் செய்து வீரத்தின் அடையாளமாக திகழ்ந்த மாபெரும் சுதந்திரப் போராட்ட வீரர் நேதாஜி சுபாஷ் சந்திரபோஸ். அவர்களது பிறந்தநாள் அன்று அவரின் வீரத்தை போற்றி வணங்குகிறேன்” என்று குறிப்பிட்டிருக்கிறார்.
ஆங்கிலேயர்களுக்கு எதிராக நாட்டின் துடிப்பான இளைஞர்களை ஒன்றுத்திரட்டியதுடன், இந்திய ராணுவத்தை உருவாக்கி எதிரிகளை திணறடித்து வீரத்தின் அடையாளமாய் விளங்கிய மாபெரும் சுதந்திர போராட்ட வீரர் நேதாஜி சுபாஷ் சந்திர போஸ் அவர்களின் பிறந்தநாளில் அவரின் வீரத்தை போற்றி வணங்குகிறேன்.#Netaji pic.twitter.com/zkd97AYJYx
— Edappadi K Palaniswami (@EPSTamilNadu) January 23, 2022
மேலும், அதிமுகவின் ஒருங்கிணைப்பாளர் ஓ பன்னீர்செல்வம் தன் ட்விட்டர் பக்கத்தில், “தேசிய ராணுவத்தை ஏற்படுத்தி, பிரிட்டிஷ் அரசாங்கத்தை எதிர்த்து போராடிய விடுதலை வீரர் வங்கத்து சிங்கம் நேதாஜி சுபாஷ்சந்திரபோஸ் அவர்களது பிறந்த நாளான தேசிய வல்லமை தினத்தில் அவரின் தியாகங்களை நினைவுகூர்ந்து வணங்குவோம். அவரின் தியாகம் மற்றும் துணிச்சல் அனைவரின் மனங்களிலும் நீங்காமல் நிறைந்திருக்கும்” என்று குறிப்பிட்டிருக்கிறார்.