ஊரடங்கு குறித்த தகவலை இன்னும் சில மணி நேரத்தில் முதல்வர் எடப்பாடி பழனிச்சாமி மக்களிடையே தெரிவிக்கவுள்ளார்.
கொரோனா பாதிப்பை தடுப்பதற்காக மத்திய மாநில அரசுகளும், சுகாதாரத்துறை அதிகாரிகளும் பல்வேறு நடவடிக்கைகளை மேற்கொண்டு வருகின்றனர். இதனுடைய பாதிப்பைக் கட்டுப்படுத்த, ஊரடங்கு தொடர்ந்து நீட்டிக்கப்பட்டு வருகிறது. தமிழகத்தில் 7 வது கட்ட நிலையில், தளர்வுகளுடன் ஊரடங்கு நீடித்து வரும் சூழ்நிலையில், அதற்கான கால வரையறை நாளையுடன் முடிவடையவுள்ளது.
இந்நிலையில், செப்டம்பர் மாதம் முதல் மீண்டும் ஊரடங்கு நீட்டிக்கப்படுமா? தற்போது உள்ள தடைகளை தாண்டி ஏராளமான தளர்வுளுடன் ஊரடங்கு நீக்கப்படுமா? என்பது குறித்த பல கேள்விகள் மக்கள் மத்தியில் எழுந்துள்ளன. இந்நிலையில் தமிழகத்தில் என்னென்ன தளர்வுகள் வழங்கப்படும் என்பதை முதல்வர் எடப்பாடி பழனிசாமி இன்னும் சில மணி நேரங்களில் அறிவிக்க உள்ளார். இதில், கடைகள் திறப்பு நேரம், வாகன போக்குவரத்துக்கான இபாஸ், திரையரங்கு திறப்பு, பேருந்து போக்குவரத்து உள்ளிட்டவற்றிற்க்கான தளர்வுகள் குறிப்பாக அறிவிக்கப்படும் என கூறப்படுகிறது.