ஏரியில் மூழ்கி சிறுவர்கள் உயிரிழந்த சம்பவம் சோகத்தை ஏற்படுத்தியுள்ளது.
ராணிப்பேட்டை மாவட்டத்தில் உள்ள அரக்கோணம் பகுதியில் முருகையா என்பவர் வசித்து வருகிறார். இவருக்கு 10 வயதில் சத்யா என்ற மகளும், 9 வயதில் கிஷோர் என்ற மகனும் இருந்துள்ளனர். இந்நிலையில் கிஷோர், சத்யா ஆகிய இருவரும் அதே பகுதியில் வசிக்கும் ஆனந்தியுடன் ஏரியில் மீன் பிடிப்பதற்காக சென்றுள்ளனர். அப்போது எதிர்பாராதவிதமாக கிஷோர், சத்யா, ஆனந்தி ஆகிய மூவரும் ஏரியில் மூழ்கியுள்ளனர்.
இதனைப்பார்த்த கிராம மக்கள் அவர்களை மீட்டு சிகிச்சைக்காக அரசு மருத்துவமனையில் அனுமதித்துள்ளனர். ஆனால் அங்கு அளிக்கப்பட்ட சிகிச்சை பலனின்றி கிஷோர், ஆனந்தி ஆகிய இருவரும் பரிதாபமாக உயிரிழந்துவிட்டனர். மேலும் உயிருக்கு போராடிய சத்யா மருத்துவமனையில் தீவிர சிகிச்சை பிரிவில் அனுமதிக்கப்பட்டுள்ளார். இதுகுறித்து வழக்குப்பதிவு செய்த அரக்கோணம் காவல்துறையினர் தீவிர விசாரணை மேற்கொண்டு வருகின்றனர்.