மது வாங்க சென்ற முதியவரை இரண்டு பேர் தாக்கிய சம்பவம் சோகத்தை ஏற்படுத்தியுள்ளது.
தென்காசி மாவட்டத்திலுள்ள மணல்காட்டானூர் பகுதியில் ஆறுமுகநயினார் என்பவர் தனது குடும்பத்துடன் வசித்து வருகின்றார். இந்நிலையில் ஆறுமுக நயினார் வெங்கடாம்பட்டியில் அமைந்துள்ள டாஸ்மாக் கடைக்கு மதுபாட்டில் வாங்குவதற்காக சென்றுள்ளார். அங்கு பார் நடத்திவரும் வீரகேரளம்புதூர் பகுதியில் வசிக்கும் முத்துராஜா மற்றும் முருகன் என்பவர்கள் இணைந்து ஆறுமுக நயினாரிடம் கடையை மூடும் நேரத்திற்கு சென்று மது வாங்குகிறாயா என்று கூறி அவரை திட்டியதோடு தாக்கி உள்ளனர்.
இதனால் காயமடைந்த ஆறுமுகநயினார் அப்படியே காவல் நிலையத்திற்கு சென்று புகார் கொடுத்துள்ளார். இதனையடுத்து காவல்துறையினர் ஆறுமுக நயினாரை சிகிச்சைக்காக அரசு மருத்துவமனைக்கு அனுப்பி வைத்துள்ளனர். அங்கு முதியவருக்கு தீவிர சிகிச்சைஅளித்து வருகின்றனர். மேலும் இச்சம்பவம் குறித்து வழக்குப்பதிவு செய்த காவல்துறையினர் முதியவரை தாக்கிய குற்றத்திற்காக முத்துராஜா மற்றும் முருகனை கைது செய்து தீவிர விசாரணை மேற்கொண்டு வருகின்றனர்.