யூரோ கோப்பை கால்பந்து தொடரில் நெதர்லாந்து அணி நாக்-அவுட் சுற்றுக்கு முன்னேறியுள்ளது.
யூரோ கோப்பை கால்பந்து தொடரில் இன்று அதிகாலையில் நடந்த போட்டியில் ‘சி’ பிரிவில் உள்ள நெதர்லாந்து – ஆஸ்திரியா அணிகள் மோதிக்கொண்டன. இதில் முதல் பாதி ஆட்டத்தில் 11வது நிமிடத்தில் நெதர்லாந்து அணி வீரர் மெம்பிஸ் டெபே முதல் கோலை அடிக்க , 1-0 என்ற கணக்கில் முன்னிலையில் இருந்தது.
அடுத்ததாக ஆட்டத்தின் 2 வது பாதியில் நெதர்லாந்து அணி வீரர் டென்சல் டம்டிரிஸ் 67 வது நிமிடத்தில் ஒரு கோல் அடிக்க , இறுதியாக 2-0 என்ற கோல் கணக்கில் ஆஸ்திரியாவை வீழ்த்தி நெதர்லாந்து அபார வெற்றி பெற்றது. இந்த வெற்றியின் மூலம் நெதர்லாந்து அணி நாக்-அவுட் சுற்றுக்கு முன்னேறி உள்ளது.