கஞ்சா விற்பனை செய்த 2 பேரை கைது செய்த போலீசார் அவர்களிடம் விசாரணை நடத்தி வருகின்றனர் .
நாகை மாவட்டம் வேதாரண்யம் தாலுகா வேட்டைக்காரனிருப்பு பகுதியில் போலீஸ் சப்-இன்ஸ்பெக்டர் பக்கிரிசாமி மற்றும் போலீசார் ரோந்து பணியில் ஈடுபட்டிருந்தனர். அப்போது புதுப்பள்ளி கிராமம் நடுபாலத்தில் அருகில் சந்தேகப்படும் படியாக 2 நபர்கள் நின்றுகொண்டிருந்தனர் . இதனால் அவர்கள் 2 பேரிடம் போலீசார் விசாரணை நடத்தினர்.
அவர்கள் இருவரும் புதுப்பள்ளி கிராமத்தை சேர்ந்த சேனாதிபதி(27), சங்கர் (23) என்பதும், இருவரும் சிறு சிறு பொட்டலங்களாக கஞ்சாவை மறைத்து வைத்து விற்பனை செய்ததும் விசாரணையில் தெரியவந்தது. இதனால் சேனாதிபதி ,சங்கர் ஆகிய இருவர் மீதும் வழக்குப்பதிவு செய்த போலீசார் அவர்களை கைது செய்தனர். மேலும் அவர்களிடம் இருந்த 1.1 கிலோ கஞ்சா பொட்டலங்களை போலீசார் பறிமுதல் செய்தனர்.