தேனி மாவட்டத்தில் கொரோனா குறித்த விழிப்புணர்வு நிகழ்ச்சியில் மாவட்ட ஆட்சியர் பங்கேற்று கொரோனா விழிப்புணர்வு புகைப்பட கண்காட்சியை திறந்து வைத்துள்ளார்.
தமிழகத்தில் கொரோனா 3ஆம் அலை குறித்த முன்னெச்சரிக்கை தடுப்பு நடவடிக்கைகள் அனைத்து மாவட்டங்களிலும் மேற்கொண்டு வருகின்றனர். அதன் அடிப்படையில் தேனி மாவட்டத்தில் பழைய பேருந்து நிலைய வளாகத்தில் அமைக்கப்பட்ட கொரோனா விழிப்புணர்வு புகைப்பட கண்காட்சியை ஆட்சியர் முரளிதரன் திறந்து வைத்துள்ளார். இதனையடுத்து தடுப்பூசி சிறப்பு முகாமையும் திறந்து வைத்துள்ளார்.
இந்நிலையில் பழைய பேருந்து நிலையத்தில் நடந்த பிரசார தொடங்க விழாவிலும் பங்கேற்ற ஆட்சியர் பேருந்து நிலையத்தில் முகக்கவசம் அணியாமல் வந்தவர்களை கண்டித்து முகக்கவசம் வழங்கியுள்ளார். மேலும் முகக்கவசம் அணிவது நம்மை நாமே பாதுகாப்பதற்கே என அறிவுரை வழங்கியுள்ளார். இந்த நிகழ்ச்சியில் பெரியகுளம் எம்.எல்.ஏ சரவணகுமார், சப்-கலெக்டர் ரிஷிப், நகராட்சி சுகாதார அலுவலர் அறிவுச்செல்வம், தேனி அரசு மருத்துவமனை முதல்வர் பாலாஜிநாதன் மற்றும் அதிகாரிகள் பலரும் பங்கேற்றுள்ளனர்.