தனியார் பள்ளிகளில் 10 ஆம் வகுப்பு மாணவர்களுக்கு திறனறிவுத்தேர்வு நடத்தப்போவதாக தகவல் வெளியாகியுள்ளது.
நாடு முழுவதும் கொரோனா பரவல் காரணமாக ஊரடங்கு அமல்படுத்தப்பட்டது. இதனால் தமிழகத்தில் பள்ளிகள் மற்றும் கல்லூரிகள் மூடப்பட்டன. எனவே மாணவர்களுக்கு ஆன்லைன் வகுப்புகள் நடந்து கொண்டிருக்கிறது. இந்நிலையில் 9 முதல் 12-ஆம் வகுப்பு மாணவர்களுக்கு மட்டும் பள்ளிகள் திறக்கப்பட்தடு வகுப்புகள் நடத்தப்பட்டு வருகின்றது. இதையடுத்து 9-10 ஆம் வகுப்பு மாணவர்களுக்கு பொதுத்தேர்வு நடத்தப்படாமல் ஆல் பாஸ் என்று தமிழக அரசு உத்தரவு பிறப்பித்தது.
இந்நிலையில் தனியார் பள்ளிகளில் பத்தாம் வகுப்பு மாணவர்களுக்கு திறனறிவுத் தேர்வு நடத்தப் போவதாக தகவல் வெளியாகி உள்ளது. தனியார் பள்ளிகளில் பத்தாம் வகுப்பில் இருந்து 11 ஆம் வகுப்பு பயிலும் மாணவர்களுக்கு எந்த அடிப்படையில் பிற பாடப்பிரிவில் பிரித்து கொடுப்பது என்பதில் குழப்பம் ஏற்பட்டுள்ளது. இதன் காரணமாக தேர்தலுக்குப் பிறகு இந்த தேர்வு நடத்தப்பட உள்ளதாக தகவல் வெளியாகியுள்ளது.