கீழடி அகழ்வாராய்ச்சியில் கிடைக்கப்பெற்ற சங்ககால பண்பாட்டின் தொல்பொருட்கள் உலகத்தரம் வாய்ந்த அகழ்வைப்பகத்தில் காட்சிப்படுத்தப்படும் என கவர்னர் அறிவித்துள்ளார்.
தமிழக சட்டசபையின் 2021 ஆம் ஆண்டின் முதல் கூட்டமானது தொடங்கியுள்ளது. இது ஆண்டின் முதல் கூட்டம் என்பதால் கவர்னர் பன்வாரிலால் புரோகித் உரையுடன் தொடங்கியுள்ளது. அந்த கூட்டத்தின் உரையில் கவர்னர் பேசும் போது, இந்த அரசின் முதன்மை குறிக்கோள் என்பது நம் தாய் தமிழ் மொழியின் பெருமையை வளர்ப்பது என கூறியுள்ளார். இதனை அடுத்து தமிழ் மொழி பேசும் பகுதிகளை தமிழ்நாட்டுடன் இணைப்பதற்காக போராடியவர்களை கவுரவிக்கும் வகையில் மாதந்தோறும் வழங்கப்படும் உதவி தொகையானது 4,500 ரூபாயிலிருந்து 5,000 ரூபாயாக உயர்த்தப்படும் என கூறியுள்ளார்.
இதனைத் தொடர்ந்து அவர்களின் வாரிசுதாரர்களுக்கு வழங்கப்படும் உதவித் தொகை 2,500 ரூபாயிலிருந்து 3000 ஆயிரம் ரூபாயாக உயர்த்தப்பட்டுள்ளது என அறிவித்துள்ளார். மேலும் சங்க கால பண்பாட்டின் தொல்பொருட்கள் கீழடி அகழ்வாராய்ச்சியில் கிடைத்துள்ளது எனவும், தமிழ்நாடு அரசால் கட்டப்பட்டு வரும் உலகத் தரம் வாய்ந்த அகழ்வைப்பகத்தில் கிடைத்த முக்கிய தொல்பொருட்கள் காட்சிப்படுத்தப்படும் எனவும் தெரிவித்துள்ளார்.