பிக் பாஸ் ஓடிடி நிகழ்ச்சியில் நிர்வாணமாக அல்லது அரை நிர்வாணமாக யோகா செய்யுமாறு தன்னிடம் கேட்டதாக விவேக் மிஸ்ரா பரபரப்பு தகவல் கொடுத்துள்ளார்.
இந்தியில் பிக்பாஸ் நிகழ்ச்சியை ஓடிடி தளத்தில் நடத்த உள்ளனர். இந்த நிகழ்ச்சியை பிரபல பாலிவுட் இயக்குனரும், தயாரிப்பாளருமான கரன் ஜோகர் தொகுத்து வழங்குகிறார். போட்டியாளர்களை தேர்வு செய்யும் பணி தீவிரமாக நடைபெற்று வருகிறது. இதுவரை இரண்டு போட்டியாளர்கள் உறுதி செய்யப்பட்டுள்ள நிலையில், விவேக் மிஸ்ராவை பிக்பாஸ் குழுவினர் அணுகியுள்ளனர். அப்போது நிர்வாணமாக அல்லது அரை நிர்வாணமாக யோகா செய்ய வேண்டும் என்று அவர்கள் கேட்டுக் கொண்டுள்ளனர்.
இதைப்பற்றி அவர் தெரிவித்துள்ளதாவது: “பிக்பாஸ் போட்டியில் கலந்து கொள்ளுமாறு என்னை கேட்டார்கள். அந்த நிகழ்ச்சியில் தன்னை நிர்வாணமாக யோகா செய்ய வேண்டும் என்று கூறினார்கள். இதை கேட்டு நான் மிகுந்த அதிர்ச்சியடைந்தேன். நிகழ்ச்சியை பரபரப்பாகும் ஐந்து முன்னாள் போட்டியாளர்களை தேடுகிறார்கள் என்றார்கள். இதனால் என்னை நிர்வாணமாக யோகா செய்யச் சொன்னார்கள். இதற்கு நான் நாளொன்றுக்கு 50 லட்சம் கொடுக்க வேண்டும் என்று கேட்டேன். பின்னர் பிக்பாஸ் போட்டியில் நான் பங்கேற்க முடியாது என்று கூறிவிட்டேன்” என தெரிவித்துள்ளார்.