எக்ஸ்பிரஸ் ரயில் மோதி தண்டவாளத்தில் அமர்ந்து மது குடித்த 2 வாலிபர்கள் பலியான சம்பவம் சோகத்தை ஏற்படுத்தியுள்ளது.
சென்னை மாவட்டத்திலுள்ள அம்பத்தூர் பட்டரவாக்கம் ரயில் நிலையங்களுக்கு இடைப்பட்ட தண்டவாளத்தில் அமர்ந்து இரண்டு வாலிபர்கள் மது குடித்துள்ளனர். இந்நிலையில் அவ்வழியாக வேகமாக சென்ற எக்ஸ்பிரஸ் ரயில் மோதியதால் இரண்டு வாலிபர்களும் சம்பவ இடத்திலேயே பரிதாபமாக உயிரிழந்து விட்டனர். இதுகுறித்து தகவல் அறிந்த பெரம்பூர் ரயில்வே காவல்துறையினர் சம்பவ இடத்திற்கு விரைந்து சென்று ரயில் மோதி பலியான 2 வாலிபர்களின் சடலத்தை மீட்டு அரசு மருத்துவமனைக்கு பிரேத பரிசோதனைக்காக அனுப்பி வைத்துள்ளனர்.
ஆனால் இறந்தவர்களின் விவரம் குறித்து தெரியவில்லை. மேலும் இதுகுறித்து வழக்குப்பதிவு செய்த காவல்துறையினர் அந்த வாலிபர்கள் எந்த பகுதியை சேர்ந்தவர்கள் என்றும், அவர்களின் விபரம் குறித்தும் தீவிர விசாரணை மேற்கொண்டு வருகின்றனர்.