ஷாங்காயில் டோங்ஜி பல்கலைக்கழக விஞ்ஞானிகள், காற்றில் வைரஸ் இருந்தால் அதை குறுஞ்செய்தியாக அனுப்பும் நவீன முககவசத்தை கண்டுபிடித்து அசத்திருக்கிறார்கள்.
ஷாங்காய் டோங்ஜி பல்கலைக்கழகம் மேற்கொண்ட ஆராய்ச்சியில் புதிதாக நவீன முகக்கவசம் கண்டுபிடிக்கப்பட்டிருக்கிறது. எச்ஒன்என்ஒன், கொரோனா ஆகிய வைரஸ்கள் பாதித்தவர்கள் பேசினாலோ, இருமினாலோ அல்லது தும்மினாலோ அவர்களின் மூச்சுக்காற்றில் உள்ள நீர்க்குமிழிகள் மூலம் வைரஸ் காற்றில் கலக்கும். அது பிறருக்கு பரவி விடும். இதனை தடுப்பதற்காக தான் அனைவரும் முகக்கவசம் அணிந்து கொள்ளுமாறு அறிவுறுத்தப்படுகிறது.
எனவே, இந்த பல்கலைக்கழகத்தின் குழு ஆண்டிபாடிகள் போன்ற நோய் கிருமிகளின் தனித்துவமான புரதங்களை கண்டறியும் அப்டேமர்கள் என்ற செயற்கை மூலக்கூறு உடைய சிறிய சென்சார் பொருத்தப்பட்டிருக்கும் நவீன முகக்கவசங்களை வடிவமைத்திருக்கிறார்கள். இதை வைத்து ஒரே சமயத்தில் காற்றில் இருக்கும் எச்ஒன்என்ஒன் போன்ற வைரஸ்களை கண்டுபிடித்து அதனை உபயோகிப்போரின் செல்பேசிக்கு குறுஞ்செய்தி அனுப்பப்படும் விதத்தில் அமைத்திருக்கிறார்கள்.