கரடிகள் தாக்கியதால் விவசாயி படுகாயமடைந்த சம்பவம் பொதுமக்களிடையே அச்சத்தை ஏற்படுத்தியுள்ளது.
கிருஷ்ணகிரி மாவட்டத்தில் உள்ள புதிமுட்லு கிராமத்தில் விவசாய சீனிவாசன் என்பவர் வசித்து வருகிறார். இவர் அப்பகுதியில் இருக்கும் மலையடிவாரத்தில் மாடுகளை மேய்த்துக் கொண்டிருந்தார். அப்போது வனப்பகுதியில் இருந்து 2 குட்டிகளுடன் வெளியேறிய கரடி சீனிவாசன் மீது பாய்ந்து அவரை பலமாக தாக்கியுள்ளது. இதனையடுத்து மூன்று கரடிகளும் சீனிவாசனின் தலை, கை, கால்களை கடித்து குதறியதால் அவர் அலறி சத்தம் போட்டுள்ளார்.
அவரது சத்தம் கேட்டு அக்கம் பக்கத்தினர் விரைந்து சென்று கரடிகளை வனப்பகுதிக்குள் விரட்டியடித்தனர். அதன்பிறகு படுகாயமடைந்த சீனிவாசனை மீட்டு மருத்துவமனையில் சிகிச்சைக்காக அனுமதித்துள்ளனர். இதுகுறித்து தகவலறிந்த வனத்துறையினர் அப்பகுதியில் தீவிர கண்காணிப்பு பணியில் ஈடுபட்டுள்ளனர்.