வாடிவாசல் படம் குறித்த புதிய அப்டேட் வெளியாகியுள்ளது.
தமிழ் சினிமாவில் பிரபல முன்னணி நடிகர்களில் ஒருவராக வலம் வருபவர் சூர்யா. இவர் நடிப்பில் வெளியாகும் படங்கள் அனைத்தும் ரசிகர்கள் மத்தியில் நல்ல வரவேற்பு பெற்று வருகிறது. இவர் தற்போது இயக்குனர் பாலா இயக்கும் திரைப்படம் மற்றும் சிறுத்தை சிவா இயக்கம் புதிய படம் போன்றவற்றில் நடித்து வருகிறார்.
இதனை தொடர்ந்து இயக்குனர் வெற்றிமாறன் இயக்கும் ‘வாடிவாசல்’ திரைப்படத்தில் நடிக்கவுள்ளார். இந்த திரைப்படம் ஜல்லிக்கட்டு கதையம்சத்தில் உருவாகியுள்ளது. இதில் மாடுபிடி வீரராக சூர்யா நடிக்க இருக்கிறார். மேலும், இந்த படத்திற்காக காளையை அடக்கும் பயிற்சியையும் இவர் எடுத்து வருகிறார்.
இந்த படத்தின் அறிவிப்பு ஒரு வருடத்திற்கு முன்பே வெளியானது. ஆனால் இன்னும் இந்த படத்தின் படபிடிப்பு தொடங்காதது ரசிகர்களுக்கு ஏமாற்றத்தை அளிக்கிறது. இந்நிலையில், இந்த திரைப்படம் குறித்து இயக்குனர் வெற்றிமாறன் கூறுகையில், இந்த படம் 1960களில் நடக்கும் கதை போல இருக்கும் எனவும், மேலும் அப்போதைய அரசியல் காலகட்டத்தில் நடக்கும் கதைபோல இருக்கும் எனவும் கூறியுள்ளார்.