பிரபல மலையாள நடிகர் ‘தளபதி65’ படத்தில் இணையவிருப்பதாக தகவல் வெளியாகி உள்ளது.
தமிழ் சினிமாவின் முன்னணி நடிகராக வலம் வரும் விஜய் தற்போது நெல்சன் திலீப் குமார் இயக்கத்தில் ‘தளபதி 65’ படத்தில் நடித்து வருகிறார். சன் பிக்சர்ஸ் நிறுவனம் தயாரிக்கும் இப்படத்தில் விஜய்க்கு ஜோடியாக பூஜா ஹெக்டே நடித்து வருகிறார். கடந்த சில தினங்களுக்கு முன்பு இப்படத்தின் முதற்கட்ட படப்பிடிப்பு ஜார்ஜியாவில் நடைபெற்றது. இதை தொடர்ந்து அடுத்த கட்ட படப்பிடிப்பு சென்னையில் நடைபெற உள்ளது.
இந்நிலையில் தளபதி 65 படத்தில் இணைய இருக்கும் பிரபலத்தின் தகவல் வெளியாகி உள்ளது. அதன்படி மலையாள திரையுலகில் பிரபல நடிகராக வலம் வரும் ஷைன் டோம் சாக்கோ தான் தளபதி 65 திரைப்படத்தில் நடிக்க இருக்கிறார். இதுகுறித்த அதிகாரபூர்வ அறிவிப்பு கூடிய விரைவில் வெளியாகும் என்று எதிர்பார்க்கப்படுகிறது.
