மும்பை புறப்படுவதற்கு முன் ரஜினியை சந்தித்த பிரபல இயக்குனர்..!!

ஏ.ஆர்.முருகதாஸ் இயக்கத்தில், சூப்பர் ஸ்டார் ரஜினி காந்த் நடிப்பில் உருவாகும் படம் தர்பார். இப்படத்தின் பர்ஸ்ட் லுக் போஸ்டர் இன்று வெளியாகி ரசிகர்களிடையே பெரும் எதிர்பார்ப்பை ஏற்படுத்தியுள்ளது. இந்த படத்தின் படப்பிடிப்பு பணிக்காக ரஜினிகாந்த் இன்று மும்பை செல்கிறார். மும்பை கிளம்புவதற்கு முன்பு இவரை பிரபல இயக்குனர் கே.எஸ்.ரவிக்குமார் சந்தித்துள்ளார்.

சென்னையில் உள்ள போயஸ் கார்டனில் ரஜினியின் வீடு உள்ளது. அங்கு சென்ற கே.எஸ்.ரவிக்குமார், ரஜினியுடன் ஆலோசனை நடத்தியிருக்கிறார். கே.எஸ்.ரவிக்குமார் இயக்கத்தில் ரஜினிகாந்த் நடிப்பதாக சமீபத்தில் தகவல் வெளியாகியுள்ளது, இந்நிலையில் அடுத்த படத்தில் இருவரும் மீண்டும் இணையவுள்ளனர் என்று கூறப்படுகிறது. மேலும் கே.எஸ்.ரவிக்குமார் ரஜினியை வைத்து இறுதியாக இயக்கிய படம் லிங்கா, இது நாம் அனைவரும் அறிந்ததாகும்.