தமிழ் சினிமாவில் முன்னணி கதாநாயகியாக வலம் வருபவர் நடிகை ஐஸ்வர்யா ராஜேஷ். இவர் நடிப்பில் வெளியாகும் படங்கள் அனைத்தும் ரசிகர்கள் மத்தியில் நல்ல வரவேற்பு பெற்று வருகிறது. தற்போது இவர் எண்டமோல் ஷைன் இந்தியா மற்றும் நட்மெக் நிறுவனங்கள் இணைந்து தயாரிக்கும் ”மாணிக்” படத்தில் கதையின் நாயகியாக நடித்து வருகிறார்.
இந்த திரைப்படம் தமிழ் மற்றும் ஹிந்தி என இரண்டு மொழிகளில் திரில்லர் கதையாக தயாராகிறது. ஹிந்தியில் ரிலீசான லுடோ, ஜக்கா ஜாஜுஸ் போன்ற படங்களின் கதை ஆசிரியர் சாம்ராஜ் சக்கரவர்த்தி இந்த படத்தை இயக்குவதன் மூலம் தமிழில் இயக்குனராக அறிமுகமாகிறார்.
இந்த படத்தில் சம்யுக்தா சண்முகநாதன், விவேக் பிரசன்னா, சாய் ஜனனி மற்றும் பலர் முக்கிய கதாபாத்திரத்தில் நடிக்கின்றனர். இந்த படத்தின் படப்பிடிப்பு இந்த மாதம் நைனிடாலில் தொடங்க உள்ளதாக கூறப்படுகிறது. அடுத்த ஆண்டு இந்த படத்தை ரிலீஸ் செய்ய படக்குழு திட்டமிட்டுள்ளதாக தகவல் வெளியாகியுள்ளது.