முன்னணி நடிகர் விஷாலுக்கு ஜோடியாக பிரபல இளம் நடிகை நடிக்க உள்ளார் என்று தகவல் வெளியாகியுள்ளது.
தமிழ் சினிமாவில் முன்னணி கதாநாயகனாக வலம் வருபவர் நடிகர் விஷால். இவர் நடிப்பில் கடைசியாக வெளியான ‘சக்ரா’ திரைப்படம் எதிர்பார்த்த அளவிற்கு வெற்றியை தரவில்லை. இதை தொடர்ந்து விஷால் தற்போது ‘எனிமி’ திரைப்படத்தில் நடித்து வருகிறார். இந்நிலையில் நடிகர் விஷால் நடிக்கும் புதிய படம் குறித்த தகவல் வெளியாகி உள்ளது.
அதன்படி ஜெயம் ரவி நடிப்பில் உருவான ‘அடங்கமறு’ திரைப்படத்தை இயக்கிய கார்த்திக் தங்கவேலு அடுத்ததாக இயக்கவிருக்கும் படத்தில் விஷால் நடிக்கிறார். 5 ஸ்டார் கதிரேசன் தயாரிக்கும் இப்படத்தில் விஷாலுக்கு ஜோடியாக பிரபல இளம் நடிகை பிரியா பவானி சங்கர் நடிக்க உள்ளார் என்று தகவல் வெளியாகி உள்ளது. இதுகுறித்த அதிகாரப்பூர்வ அறிவிப்பு விரைவில் வெளியாகும் என்று எதிர்பார்க்கப்படுகிறது.
