சாலை விபத்தில் 2 விவசாயிகள் பலியான சம்பவம் சோகத்தை ஏற்படுத்தியுள்ளது.
புதுக்கோட்டை மாவட்டத்தில் உள்ள முத்தம்பட்டி கிராமத்தில் விவசாயியான கோவிந்தன் என்பவர் வசித்து வந்துள்ளார். இவர் கறம்பக்குடி சாலையில் தனது இருசக்கர வாகனத்தில் சென்று கொண்டிருந்தபோது எதிர்பாராதவிதமாக அப்பகுதியில் வந்த லாரி டீசல் டேங்கர் மீது இருசக்கர வாகனம் மோதி விபத்து நேர்ந்துள்ளது. இதனால் கோவிந்தன் பலத்த காயமடைந்துள்ளார். இதனை பார்த்து அருகில் உள்ளவர்கள் கோவிந்தனை மீட்டு அரசு மருத்துவமனைக்கு சிகிச்சைக்காக அனுப்பி வைத்துள்ளனர். அங்கு மருத்துவர்கள் கோவிந்தனுக்கு தீவிர சிகிச்சை அளித்தும் பலனின்றி பரிதாபமாக உயிரிழந்துவிட்டார். இதுகுறித்து தகவல் அறிந்த காவல்துறையினர் சம்பவ இடத்திற்கு விரைந்து சென்று கோவிந்தனின் உடலை பிரேத பரிசோதனைக்காக அனுப்பி வைத்துள்ளனர். மேலும் வழக்குப்பதிவு செய்த காவல்துறையினர் விபத்துக்கான காரணம் குறித்து தீவிர விசாரணை மேற்கொண்டு வருகின்றனர்.
இதனை அடுத்து மங்கான் கொல்லை பட்டி பகுதியில் விவசாயியான தங்க பிரகாசம் என்பவர் வசித்து வந்துள்ளார். இவர் வேலையை முடித்துவிட்டு தனது இருசக்கர வாகனத்தில் வீடு திரும்பியபோது சாலையில் இருக்கும் வளைவு பகுதியில் நிலைதடுமாறி தடுப்பு சுவற்றில் மோதி படுகாயம் அடைந்துள்ளார். இதனை பார்த்த அருகில் உள்ளவர்கள் தங்க பிரகாசத்தை மீட்டு அரசு மருத்துவமனைக்கு சிகிச்சைக்காக அனுப்பி வைத்துள்ளனர். அங்கு மருத்துவர்கள் அவருக்கு தீவிர சிகிச்சை அளித்தும் பலனின்றி பரிதாபமாக உயிரிழந்து விட்டார். இது குறித்து தகவல் அறிந்து வந்த காவல்துறையினர் வழக்கு பதிவு செய்து தீவிர விசாரணை மேற்கொண்டு வருகின்றனர்.
இதனை தொடர்ந்து கறம்பக்குடி பகுதியில் புஷ்பராஜ் என்பவர் வசித்து வருகிறார். இவருக்கு மருதமலை என்ற 11 – வயது மகன் இருக்கிறார். இந்நிலையில் சிறுவன் சாலையில் நடந்து சென்ற போது அப்பகுதியை ஆண்ட இருசக்கர வாகனம் சிறுவனின் மீது மோதி விபத்து நேர்ந்துள்ளது. இந்த விபத்தில் சிறுவன் பலத்த காயமடைந்துள்ளார். இதனை பார்த்த அருகில் உள்ளவர்கள் சிறுவனை மீட்டு அரசு மருத்துவமனைக்கு சிகிச்சைக்காக அனுப்பி வைத்துள்ளனர். அங்கு மருத்துவர்கள் தீவிர சிகிச்சை அளித்து வருகின்றனர். மேலும் இது குறித்து புஷ்பராஜ் காவல்நிலையத்தில் புகார் அளித்துள்ளார். அதன்பிறகு காவல்துறையினர் வழக்குப்பதிவு செய்து தீவிர விசாரணை மேற்கொண்டு வருகின்றனர்.