FIFA 2022 உலகக் கோப்பை கால்பந்து போட்டி கத்தாரில் நடைபெற இருக்கிறது. இந்த போட்டி வருகிற 21-ம் தேதி தொடங்கி 28 நாட்கள் வரை நடைபெறும். இதன் இறுதிப்போட்டி டிசம்பர் 18-ம் தேதி நடைபெறும் என்று கூறப்பட்டுள்ளது. இந்த போட்டியில் 32 அணிகள் மட்டுமே பங்கேற்கும். இதனையடுத்து 32 அணிகளும், 4 அணிகள் கொண்ட 8 குழுக்களாக பிரிக்கப்படும்.
அதன்படி குழு ஏ பிரிவில் நெதர்லாந்து, செனகல், ஈக்வடார், கத்தார் ஆகிய நாடுகள் இடம் பெற்றுள்ளது. அதன் பிறகு குழு பி பிரிவில் இங்கிலாந்து, ஈரான், அமெரிக்கா, வேல்ஸ் ஆகிய நாடுகளும், குழு சி பிரிவில் போலந்து, மெக்ஸிகோ, அர்ஜென்டினா, சவுதி அரேபியா ஆகிய நாடுகளும், குழு பிரிவில் துனிசியா, டென்மார்க், ஆஸ்திரேலியா மற்றும் பிரான்ஸ் ஆகிய நாடுகளும், குழு இ பிரிவில் ஜப்பான், ஜெர்மனி, கோஸ்டா ரிகா, ஸ்பெயின் ஆகிய நாடுகளும், குழு எஃப் பிரிவில் பெல்ஜியம், கனடா, மொரக்கோ, குரோயேஷியா ஆகிய நாடுகளும், குழு ஜி பிரிவில் கேமரூன், சுவிட்சர்லாந்து, பிரேசில், செர்பியா ஆகிய நாடுகளும், குழு எச் பிரிவில் கொரிய குடியரசு, உருகுவே, கானா மற்றும் போர்ச்சுக்கல் ஆகிய நாடுகளும் இடம்பெற்றுள்ளது. மேலும் 12 நாட்கள் நடைபெறும் குழு சுற்றுப் போட்டிகளின் போது, 1 நாளைக்கு 4 போட்டிகள் நடைபெறும். அதோடு ஒவ்வொரு பிரிவிலும் முதல் 2 இடத்தை பிடிக்கும் அணிகள், கடைசி 16 அணிகள் மோதும் இதில் இறுதி கட்டத்திற்கு முன்னேறும்.
இப்போட்டி சுமார் 8 மைதானங்களில் நடைபெற இருக்கும் நிலையில், நவம்பர் 20 முதல் 3 வரை குரூப் போட்டிகளும், டிசம்பர் 3 முதல் 6 வரை காலிறுதிக்கு முந்தைய சுற்று போட்டிகளும், டிசம்பர் 14 மற்றும் 15 இல் கால் இறுதிச் சுற்றுகளும், டிசம்பர் 17-ஆம் தேதி 3-வது இடத்திற்கான போட்டியும், டிசம்பர் 18-ஆம் தேதி இறுதிப் போட்டியும் நடைபெறும். இந்திய நேரப்படி மாலை குரூப் போட்டிகள் மாலை 3:30 மற்றும் 6:30 மணிக்கும், காலிறுதிக்கு முந்தைய சுற்று இரவு 8:30 மற்றும் 10.30 மணிக்கும், அரை இறுதிப் போட்டிகள் இரவு 10:30 மணிக்கும், இறுதிப்போட்டி இரவு 8:30 மணிக்கு தொடங்கும். இந்த உலகக் கோப்பை கால்பந்து போட்டியை ஸ்போர்ட்ஸ் 18 சேனல், Viacom 18 Hindi and English, VOOT, ஜியோ டிவி மற்றும் ஜியோ சினிமா போன்றவைகளில் பார்த்துக் கொள்ளலாம்.