டிராவல்ஸ் உரிமையாளர் வீட்டில் திடீரென தீ விபத்து ஏற்பட்ட சம்பவம் பரபரப்பை ஏற்படுத்தியுள்ளது.
தூத்துக்குடி மாவட்டத்தில் உள்ள கோவில்பட்டி இந்திராநகர் பகுதியில் நடராஜன் என்பவர் வசித்து வருகிறார். இவருக்கு நாகராஜ் என்ற மகன் உள்ளார். இவர் இளையரசனேந்தல் சாலையில் டிராவல்ஸ் நிறுவனம் நடத்தி வருகிறார். இந்நிலையில் நாகராஜன் வீட்டின் சமையல் அறையில் மின் கசிவு ஏற்பட்டு திடீரென தீப்பிடித்தது. இதனால் நாகராஜூம் அவரது குடும்பத்தினரும் வீட்டை விட்டு வெளியில் சென்றுள்ளனர்.
இது குறித்து தகவல் அறிந்த தீயணைப்பு துறையினர் சம்பவ இடத்திற்கு விரைந்து சென்று 3 மணி நேர போராட்டத்திற்கு பின் தீயை முற்றிலுமாக அணைத்தனர். இந்த தீவிபத்தில் வீட்டில் பெரும்பகுதி அறைகளில் இருந்த மின்சாதனங்கள், சோபா, கட்டில், பீரோ, குளிர் சாதனங்கள் மற்றும் பொருட்கள் எரிந்து நாசமாயின. மேலும் இதுகுறித்து வழக்கு பதிவு செய்த கோவில்பட்டி காவல்துறையினர் விசாரணை மேற்கொண்டு வருகின்றனர்.