ஹாங்காங்கில் 38 மாடிகள் உடைய மிகப்பெரிய அடுக்குமாடி கட்டிடத்தில் பயங்கர தீ விபத்து ஏற்பட்டிருக்கிறது.
ஹாங்காங் நகரில் இருக்கும் ஹாஸ்வே பே என்னும் பகுதியில் 38 மாடிகள் உடைய மிகப்பெரிய அடுக்குமாடி கட்டிடம் இருக்கிறது. அங்கு, உணவகங்கள், உலக வர்த்தக மையத்தின் கிளை போன்ற பல நிறுவனங்கள் செயல்பட்டு வருகிறது. இந்நிலையில், கட்டிடத்தின் மின் இணைப்பு அறையில் திடீரென்று தீப்பற்றி எரிந்தது.
அதன்பின்பு, தீ வேகமாக கட்டிடத்தின் அனைத்து பகுதிகளுக்கும் பரவி, பயங்கர தீ விபத்து ஏற்பட்டது. இதில் கட்டிடத்தில் இருந்த 300க்கும் மேற்பட்டோர் தீயில் மாட்டிக் கொண்டார்கள். இது தொடர்பில் தகவல் அறிந்த தீயணைப்பு படையினர், உடனடியாக சம்பவ இடத்திற்கு சென்ற போது, அங்கு புகையால், மூச்சு திணறல் வந்து போராடி கொண்டிருந்த 8 நபர்களை மீட்டிருக்கிறார்கள்.
மேலும், தீயில் மாட்டிக்கொண்ட 300க்கும் அதிகமான மக்களை, மீட்கும் பணி தீவிரமாக நடைபெற்று வருவதாக தெரிவிக்கப்பட்டுள்ளது. கட்டிடத்தில் வேகமாக பரவி வரும் தீயை கட்டுப்படுத்தும் பணியை மீட்புக் குழுவினர் மேற்கொண்டுள்ளனர்.