தீயணைப்பு வீரர் தூக்கிட்டு தற்கொலை செய்து கொண்ட சம்பவம் குறித்து காவல்துறையினர் விசாரணை மேற்கொண்டு வருகின்றனர்.
ஈரோடு மாவட்டத்திலுள்ள கள்ளிப்பட்டி பகுதியில் சரவணகுமார் என்பவர் வசித்து வந்துள்ளார். இவருக்கு கோகிலா என்ற மனைவி உள்ளார். இந்த தம்பதிகளுக்கு வர்ஷினி என்ற மகள் இருக்கிறார். இதில் கோபியில் இருக்கும் தீயணைப்பு நிலையத்தில் சரவணகுமார் வேலை பார்த்து வந்துள்ளார். இந்நிலையில் காலையில் கண்விழித்த கோகிலா வீட்டிற்கு அருகிலிருக்கும் ஓலைக்குடிசையில் சரவணகுமார் தூக்கில் சடலமாக தொங்குவதை கண்டு அதிர்ச்சி அடைந்தார்.
இதுகுறித்து தகவல் அறிந்த காவல்துறையினர் சம்பவ இடத்திற்கு விரைந்து சென்று சரவணகுமாரின் சடலத்தை கைப்பற்றி அரசு மருத்துவமனைக்கு பிரேத பரிசோதனைக்காக அனுப்பி வைத்துள்ளனர். மேலும் காவல்துறையினர் சரவணகுமாரின் சட்டைப் பையிலிருந்த ஒரு கடிதத்தை கைப்பற்றி விசாரித்துள்ளனர். அந்த கடிதத்தில் எனக்கு உடல்நிலை சரியில்லை எனவும், என் சாவுக்கு யாரும் காரணம் இல்லை எனவும் சரவணகுமார் எழுதியுள்ளார். மேலும் இச்சம்பவம் குறித்து வழக்குப்பதிவு செய்த காவல்துறையினர் தீவிர விசாரணை மேற்கொண்டு வருகின்றனர்.